குரு அருள் ...!

எல்லையற்ற  பிரபஞ்சத்தில்
இரவென்ன
பகலென்ன

எண்ணமற்ற மனதிற்கு
இன்பமென்ன
துன்பமென்ன..

அல்லலுற்று வாழ்கின்றேன்
நான் செய்யா
தவம் என்ன...

இறை நடத்தும் நாடகத்தில்
நீயென்ன
நானென்ன...

மீண்டு வரும்
வழி தெரிய - குருவின்
அருளன்றி வேறென்ன...

~கலாப்ரியன்

ஆசை..!

கரையுடைத்து 

ஊர் பார்க்க  

கடலுக்குப் 

பேராசை..!

கடலை எல்லாம் 

பருகிவிட 

சூரியனுக்கும் 

ஓர் பேராசை..!

கரு மாறி..  உரு மாறி 

காலமெல்லாம் 

வாழ்ந்துவிட 

மண்ணுக்கும் தான் 

பேராசை..!

நாசி வழி 

வந்து செல்லும் 

காற்றுக்கும் ஓர் 

ஆசையுண்டு ..

வாசியாக மேலேறி 

வாசம் செய்யும் 

பேராசை..

எங்குமுள்ள 

விண்வெளியோ  

என்னுள்ளே அறிவாக... 

ஏதுமோர் ஆசையின்றி 

இறையுறவாய் இருப்பதனால்..

என் அறிவை அறிந்து விட 

எனக்கும் 

ஓர் பேராசை..!

~கலாப்ரியன் 

இறைத்துகள்...

வாய் மூடி 

பேசாமல் 

வார்த்தைகளை அடக்குதல் 

மௌனமா??

சீறி எழும் 

எண்ணத்தை 

சீர் செய்து 

அமைதியாக்கல் 

மௌனமா??

ஏதோ ஒன்றை 

ஏற்றுக் கொண்டு 

மௌனமே 

என் மொழியாக்க 

சுற்றி எல்லாம் சுத்தமாய் 

சுத்தவெளி 

போலாக 

என்னுள்ளும் 

ஒரு 

பெரு வெடிப்பு 

சத்தமின்றி நடந்தது 

இறையைத் தேடிய 

என் பயணத்தில் 

இறைத்துகளை கண்டேன் 

நானே இறையாய் 

இப் பிரபஞ்சத்தில் 

ஓர் 

துகளாய் ..

வாழ்க வளமுடன்...

கலாப்ரியன் 

குரு வணக்கம்

எண்ணையுடன் திரி போட்டு    
     ஏற்றி வைத்த தீபம் போல்

என் உயிரை ஏற்றி வைத்த

     வேதாத்திரி போற்றி

~கலாப்ரியன்

மனவளக்கலை

மனவளக்கலை...

பற்றதனைப் போக்கி விடும்

பக்குவம்   

வளர்த்து விடும்...

சித்தம் அழுக்காக்கும் சிந்தனையைச் 

சீர் செய்யும்.. 

வாழ்க்கை வளமாக்கும் 

வழியதனைத் தெளிவாக்கும்.. 

வித்தை பல 

சொல்லி வைத்த 

வேதம் அது புரியவில்லை.. 

இயற்கையிலே கிடைக்கும் - என

எழுதி வைத்த வள்ளல் - அவர் 

வேதம் 

சொல்லித்தந்த 

வேதாத்திரி மகான்... 

பொருள் தேடும் 

எனைத் திருப்பி 

அருள் தேட அருள் புரிந்த 

அருட்தந்தை...  

அவர் 

சொல்லித் தந்த சூத்திரம்தான் 

சொல்லிடுவேன் கேட்டிடுவீர்...

 

நெற்றியிலே பொட்டிருக்கும்

நினைவங்கே

நிறுத்திடுவீர்...

உச்சியிலே ஒளிதெரியும்

உயிர் அங்கே 

ஏற்றிடுவீர் ...

முட்டி வரும் 

சக்தியெல்லாம் 

விட்டம் அதைத் தொட்டுவிட்டால்..

மூலம் அதைப் 

பார்த்திடுவீர்.. 

மோட்சம் அங்கே பெற்றுடிவீர்..

பொருளதனைத் 

தேடித் தேடிப்

புறம் போக்காய்

வாழாமல் 

அருள் அதனைத் 

தேடுகின்ற 

அகத்தவமும் செய்துடுவீர்...

சுக்கிலத்தைத் 

தாதாக்கிச்...

சுந்தரனாய் வாழ்ந்திடவும்..

காயம்

காத்திடவும்  

காயகற்பம் 

கற்றிடுவீர்...

அப்பனைப் போல் 

காக்கும் அந்தக் 

காப்பதனைக் 

கற்றிடுவீர்.. 

எப்பொழுதும் நினைவினிலே 

சங்கல்பம் செய்திடுவீர்..

பத்தினியை வாழ்த்திடலாம் - பெற்ற 

மக்களையும் வாழ்த்திடலாம்..

உயிர்க்கலப்பாம் உடன் பிறப்பை 

ஒவ்வொன்றாய் வாழ்த்திடலாம் ...

சுற்றி வாழும் நண்பரையும்,

இடர் புரியும் எதிரியையும் ..

வற்றிவிடா இன்பமுடன் 

வாழ்க நீ வளமுடன் - என 

வாழ்த்தி நாமும் வாழ்ந்திடலாம்..

கற்றதெல்லாம் 

கற்றபடி 

சாதகமும் செய்து வந்தால் ..

மனக்கவலைத் தீர்த்திடலாம்

மனவளத்தைக் காத்திடலாம்..

சாதனைகள் செய்திடலாம்... 

வாழ்வே 

சாதனையாய் வாழ்ந்திடலாம்..

சமுத்திரத்தில் 

சில துளிதான் - நான் 

அறிந்தவற்றைச் சொல்லிவிட்டேன் 

அத்தனையும் பருகிவிட 

ஆழியாறு சென்றிடுவீர்...

வாழ்க வையகம் 

வாழ்க வையகம் 

வாழ்க வளமுடன்...!

~கலாப்ரியன்