என் வாழ்வில் ஓர் இரகசியம்

🌺🌺🌺🌺🌺🌺🌺🌺🌺

என் சகோதரி ஒருநாள் வீட்டைச்🏘️ சுத்தப்படுத்தும் வேலையில் இருந்தபோது, எதேச்சையாக ஒரு வரைபடம் 🎨அவள் கண்ணில் பட, எனக்கு அதை WhatsApp வழியாக அனுப்பிவிட்டு கேட்டாள் - "இந்தப்படம் நினைவிருக்கிறதா"? என்று.

அந்த வரைபடம் தான் நீங்கள் மேலே பார்க்கும் ஒரு Royal Enfield 🏍️ பைக்கின் வரைபடம். இந்த மெசஜ்க்கும் அந்த படத்துக்கும் என்ன தொடர்பு என்கிறீர்களா? - சொல்கிறேன்.

"Rohnda Byrne" என்று ஒரு ஆஸ்திரேலிய எழுத்தாசிரியை. அவர் எழுதிய நூல்களுள் ஒன்று "The Secret", நூல் வடிவாகவும், Documentary படமாகவும் கூட வெளிவந்துள்ளது. அதில் ஒரு சிறு காட்சிக்குறிப்பு வரும். ஒரு மனிதன் தன வாழ்நாளில் ஒரு வீட்டை🏠 வாங்க வேண்டும் என இயற்கையோடு இணைந்து சங்கல்பமாக நினைத்துக்கொள்கிறார். அந்த நினைப்பு உள்ளுக்குள்ளே ஒரு கனல் போல இருக்க காலம் ஓடுகிறது ⏳.

சிறிது காலத்துக்குப் பின் அவர் ஒரு புது வீடு வாங்கி குடிபுகுகின்றார். அவரது மகன் 👼🏻, பத்து வயதுக்குள் இருக்கும், ஒரு சுவரில் மாட்டும் போட்டோ படத்தைக் காண்பித்து இது என்ன என கேட்கின்றான். அதை பார்ப்பவர் தன் கண்களையே அவரால் நம்ப முடியவில்லை, ஏனென்றால், இவர் இப்போது குடிவந்த வீடு தான், இவர் ஒரு காலத்தில் ஆசைப்பட்ட வீடு, அந்தப் படத்தில் இருப்பது. அவரது ஆனந்தக்கண்ணீருடன் அந்தக் காட்சி முடியவடையும். 🌷🌷

நீங்கள் மேலே பார்க்கும் Royal Enfield வரைபடம் நான் வரைந்து ஒரு 15 ஆண்டுகளுக்கும் மேல் இருக்கும்.அந்தக் காலகட்டத்தில் நான் மிதி வண்டியில் 🚲 போனால் கூட அதை நான் என் கனவு பைக் போலத்தான் நினைத்து ஓட்டுவது வழக்கம். வேகமாக செல்கையில் பறக்கும் முடியைக் கோதி விடுவது போல் பாவனை செய்வது, வாயாலே புல்லட் போல் ஒலி எழுப்புவது என எண்ணத்துள்ளேயே என் வாழ்க்கையேச் சிறப்பாக வாழ்ந்த காலம் அது.

ஆச்சரியமான விசயம் என்னவென்றால், நிறம், மாடல், வடிவம், பம்பர், ஹான்ட் பார் என எந்த ஒரு விதத்திலும் மாற்றம் இல்லாமல் ஒரு பைக் ஒரு ருபாய் கூட கடன், லோன் இல்லாமல் முழுப்பணம் கொடுத்து வாங்கினேன் பிற்காலத்தில்.  இந்த வரைபடத்தை மீண்டும் பார்க்கும் போதுதான் என் சங்கல்பத்தின் ஆழம் எனக்கேப் புரிந்தது.

ஆம் நண்பர்களே, பிரபஞ்சம்❤️❤️ நாம் நினைப்பது போல ஒன்றை அல்ல, நினைப்பதையே தரும் வல்லமையுடன் எந்த க்ஷணமும் காத்துக்கொண்டே இருக்கிறது.

அதனிடம் எப்படி கேட்பது என கேட்பீர்களானால், அது சொல்லக்கூடும், "YOUR WISH IS MY COMMAND", "உங்கள் விருப்பமே எனக்கான கட்டளை" என்று.💓

வேண்டியத்தைப் பெற காத்திருக்கத் தேவை இல்லை நண்பர்களே, ஒரு கட்டளையையே போதும் சங்கல்பமாக, காலம் கொண்டு வந்து சேர்த்துவிடும் உங்கள் காலடியில்.

🌺🌺வாழ்க வளமுடன்🌺🌺

உங்கள் அன்புடன் - கலாப்ரியன்💐💐💐