மறந்து போன கேள்விகள்...

*** 

ஒரு 

நடிகையின் காதல் 

நடிகனின் 

அடுத்த படம்..

விலைவாசி உயர்வு 

விரைவில் நதி நீர் இணைப்பு 

இயற்கையின் சீற்றம்.. 

இல்லாமல் போன நிவாரணங்கள் 

விவசாயி தற்கொலைகள் 

ஆட்சியோ  

அல்லது 

தலைவர்களோ  -

அரசியலில்
அடுத்தடுத்து மாற்றங்கள் 

தினமொரு செய்தியுடன் 

முடிவில்லாத பயணம் 

ஒரு கேள்வியின் 

பதில் தெரியும் முன் 

அடுத்தடுத்த விவாதங்கள் ..

ஏதோ 

ஒரு பதில் கிடைக்கும் போது 

கேள்வியையே 

மறந்து போகும் 

மகா சனங்கள்...

இதோ 

மீண்டும் 

தேர்தலுக்கு 

நாடு தயார் ஆகிறதாம்...

ஏதோ ஒரு 

எதிர் பார்ப்பில் 

மக்களும் வறுமையும் 

காத்திருக்கின்றனர்...

-கலாப்ரியன்