தொடரும் பயணங்கள்

விளக்கின்றி இருளில் 

நீண்டோடும் வீதிகள் 

நீரின்றி காய்ந்த 

தெருவோர குழாய்கள் 

சாதி இல்லை என்று சொல்லும் 

சாதிக்கட்சித் தலைவர்கள் 

 

நிலம் போலவே காய்ந்துபோன

விவசாயியின் வயிறுகள் 

நீதி இன்றி வாடும் 

நீதிமன்ற வாசல்கள் 

ஊதியம் போலவே 

முறைப்படுத்தப்பட்ட கையூட்டுகள் 

மீண்டும் ஒரு ஊழல் 

மீண்டும் ஒரு தேர்தல் 

மீண்டு வரும் தலைவர்கள் 

இங்கே 

ஊழலின் விதைகள் 

தலைவர்களிடம் இருந்தும்! 

ஊழலுக்கான உரங்கள் 

மக்களிடம் இருந்தும் !!

நாடு எங்கே செல்கிறது 

தெரியாமலே 

தொடரும் பயணங்கள்.

கலாப்ரியன்