சிலந்தியின் முயற்சி

உடைந்து போன

வீட்டுக் கூரை..

ஒட்ட வைக்கும்
முயற்சியில் சிலந்தி!

கலாப்ரியன் 

கேள்வி பதில்

 மனம் கேள்விகளைக் 

கேட்டுக்கொண்டே இருக்கின்றது.

பதில் தெரியாமல்

நான் மவுனியாகிறேன்..

அந்த மவுனம்

அனைத்துக் கேள்விகளுகளும்

பதில்

சொல்லி விடுகின்றது!!

கலாப்ரியன் 

கடலின் மவுனம்

 கரையில் மட்டும் தான்

அலையின் இரைச்சல்கள்..

ஆழத்தில் 

கடல்கூட அமைதிதான்!

மவுனம்தான்

முத்துக்களைப் 

பெற்றுத்தரும் என்று 

கடலுக்கும் தெரிந்திருக்கின்றது..!!

கலாப்ரியன்

வார்த்தைக் குறிப்புகள்

 இதுதான் வானம் 

என்று நீங்கள் 

காட்டும் இடம் வெற்றிடம்தானே

காடுகள் என்று 

நீங்கள் கைகாட்டும் 

இடங்களில் 

வெறும் மரங்களின்

கூட்டம் தானே!!

வார்த்தைகள் எல்லாம்

குறிப்புகள் தான் எனில்

விளக்கமும் விமர்சனங்களும்

ஏன்!

மவுனம் சொல்லாத எதை

இந்த மொழிகள்

சொல்லிவிட முடியும்?

கலாப்ரியன்

சுவை

கண்மூடி வார்த்தைகளுக்காகக்

காத்திருக்கிறேன்

மவுனமாக!

என் கவிதையை விட

அந்த மவுனம்

சற்று சுவையாகவே

இருந்தது!! 

கலாப்ரியன் 

விடுதலை

ஒரு மரணத்தால் 

என்ன செய்துவிட முடியும்?

சிலரை அழ வைக்கும், 

சிலருக்கு அதிர்ச்சி தரும், 

பல பகைகளை மறக்கடிக்கும், 

பலருக்கு பயம் தரும்.

துரோகங்களை மன்னித்து விடும், 

வெட்டியானுக்கு இருவேளைகள்  

உணவளிக்கும் ..

சில நாட்கள்தான்.. 

எண்ணங்கங்களில் இருந்து கூட, 

இறந்தவரை நீக்கிவிடும்.

ஆனால் மரணம், 

மரணித்தவனுக்கு மட்டும்..

மிகப்பெரும் விடுதலையை 

தந்து விடும்.!!

~கலாப்ரியன் 

குழந்தைகள்

 குழந்தைகள் 

இல்லாத போது 

எல்லா பொம்மைகளும் 

ஏன்தான் இத்தனை 

சத்தம் போடுகின்றதோ 

இந்த வீட்டில் 

கலாப்ரியன்